Vientiane Times Lao
ພະຍຸນາກຣີຈະເຂົ້າ ສປປ ລາວມື້ນີ້

ພະຍຸນາກຣີຈະເຂົ້າ ສປປ ລາວມື້ນີ້

ກົມອຸຕຸນິຍົມ ແລະ ອຸທົກກະສາດແຈ້ງໃຫ້ ປະຊາຊົນກຽມຮັບມືກັບພະຍຸນາກຣີ (NAKRI) ຄາດວ່າຈະມາຮອດ ສປປ ລາວ ໃນມື້ນີ້ 8-10/11/2019 ເຊິ່ງຈະເຮັດໃຫ້ມີຝົນຕົກໃນ ລະດັບປານກາງ ແລະ ມີລົມພັດແຮງ.

ພະຍຸນາກຣີ ຫົວທີ 24 ປະຈຳປີ 2019 ຄາດວ່າ ຈະເຄື່ອນເຂົ້າມາຜ່ານພາກກາງຕອນໃຕ້ຂອງປະ ເທດ ສສ ຫວຽດນາມ ໃນໄລຍະວັນທີ 8-10/11/2019 ຈະກວມເອົາບັນດາແຂວງພາກ ກາງ ຫາພາກໃຕ້ ຂອງປະເທດ ລາວ, ຊຶ່ງຈະເຮັດ ໃຫ້ມີຝົນຕົກຟ້າຮ້ອງໃນລະດັບປານກາງ ພ້ອມມີ ລົມພັດແຮງຢູ່ບາງທ້ອງຖິ່ນໃນແຂວງ ຄຳມ່ວນ, ສະຫັວນນະເຂດ, ສາລະວັນ, ຈຳປາສັກ, ເຊກອງ ແລະ ອັດຕະປື.

ດັ່ງນັ້ນ ຈຶ່ງໄດ້ແຈ້ງເຕືອນເຖິງອໍານາດການປົກ ຄອງ ແລະ ປະຊາຊົນ ທີ່ອາໃສຢູ່ບັນດາແຂວງ ດັ່ງກ່າວໃຫ້ມີສະຕິລະວັງຕໍ່ສະພາບຝົນຕົກຟ້າ ຮ້ອງ ແລະ ລົມພັດແຮງ ທີ່ອາດຈະເກິດຂຶ້ນ. ຂໍໃຫ້ຕິດຕາມສະພາບອາກາດຈາກການລາຍງານ ຂອງກົມດັ່ງກ່າວ ໃນໄລຍະ 1 ຫາ 3 ວັນຕໍ່ໜ້ານີ້.

ຂ່າວ: ບົວຜັນ

ພາບ: ຈະເລີນສັກ

Related Articles

Leave a Reply