Vientiane Times Lao
ສປປ ລາວຈະນຳເຂົ້າ ເຂົ້າສານຈາກປະເທດມຽນມາບໍ່ຕ່ຳກວ່າ 10 ລ້ານໂຕນ

ສປປ ລາວຈະນຳເຂົ້າ ເຂົ້າສານຈາກປະເທດມຽນມາບໍ່ຕ່ຳກວ່າ 10 ລ້ານໂຕນ

ບໍລິສັດເອກະຊົນລາວຮ່ວມກັບບໍລິສັດໄທຈະຊື້ເຂົ້າສານຈາກປະເທດມຽນມາຈຳນວນ 10ລ້ານໂຕນເພື່ອສະໜອງໃຫ້ຕະຫລາດລາວ, ຫລັງຈາກເນື້ອທີ່ນາ ຂອງສປປລາວ ຖືກເສຍຫາຍຈາກໄພນໍ້າຖ້ວມໃນປີນີ້. ຕາມລາຍງານແຈ້ງໃຫ້ຮູ້ວ່າ: ບໍລິສັດ ໂຮມໄຊ ການກະເສດ ຂາອອກ-ຂາເຂົ້າ ແລະ ບໍລິການຈຳກັດ ຜູ້ດຽວ ຂອງລາວ ຮ່ວມກັບ ບໍລິສັດ ສະຫຍາມ ມ້າທອງ ຈຳກັດ ແຫ່ງປະເທດໄທ ໄດ້ສັ່ງຊື້ເຂົ້າສານ ຈາກ ບໍລິສັດ ນາເຣສ໌ ຈຳກັດ ແຫ່ງປະເທດ ມຽນມາ ບໍ່ຕໍ່າກວ່າ 10 ລ້ານໂຕນໃນໄລຍະເວລາ 8 ປີນັບຕັ້ງແຕ່ເດືອນມັງກອນ ປີ 2020 ເປັນຕົ້ນໄປ. ປະລິມານເຂົ້າທີ່ຈະນຳເຂົ້າຈາກ ປະເທດມຽນມາ ໃນເຄີ່ງປີທຳອິດ ຈະໃຫ້ບັນລຸ 980.000 ໂຕນ.

ການຮ່ວມມືກັນໃນຄັ້ງນີ້ຖືວ່າເປັນຍຸດທະສາດອັນສຳຄັນໃນການຄໍ້າປະກັນສະບ່ຽງອາຫານໃຫ້ແກ່ປະເທດ ໂດຍສະເພາະໃນສະພາບການປັດຈບັນ ທີ່ໄດ້ຮັບຜົນກະທົບຈາກໄພທຳມະຊາດ ຍ້ອນສະພາບປ່ຽນແປງຂອງດິນຟ້າອາກາດ. ສິ່ງສຳຄັນອີກປະການໜຶ່ງ, ການຮ່ວມມືກັນຂອງພາກເອກະຊົນ ຂອງສາມປະເທດໃນຄັ້ງນີ້ ພາຍໃຕ້ການຊີ້ນຳຈາກຂະແໜງການຂອງພາກລັດຢ່າງໄກ້ຊິດ ຖືວ່າເປັນເຫດການທີ່ສຳຄັນ ໃນຂະແໜງການຄ້າ ດ້ານກະສິກຳ-ອຸດສາຫະກຳ ແລະ ຍັງສະແດງໃຫ້ເຫັນເຖິງການຂະຫຍາຍຕົວຂອງພາກເອກະຊົນເຊິ່ງເປັນຫົວໜ່ວຍສຳຄັນໜື່ງໃນການກະຕຸ້ນເສດຖະກິດໃຫ້ເຂັ້ມແຂງ ແລະ ເຕີບໃຫ່ຍຂະຫຍາຍຕົວຢ່າງໝັ້ນຄົງ ແລະ ເປັນຈຸດເລີ້ມຕົ້ນ ຂອງການເປີດກວ້າງ ແລະ ຂະຫຍາຍການຮ່ວມມື ບໍ່ວ່າຢູ່ໃນ ອາຊຽນ ກໍ່ຄື ສາກົນ.

ພິທີເຊັນສັນຍາການຊື້-ຂາຍ ເຂົ້າສານດັ່ງກ່າວໄດ້ຈັດຂື້ນໃນວັນທີ່ 02 ພະຈິກ 2019 ທີ່ ໂຮງແຮມ ລັດສະໝີ, ນະຄອນຫລວງວຽງຈັນ ລະຫວ່າງຜູ້ຕາງໜ້າຂອງ ສາມບໍລິສັດ.

ຂ່າວ-ພາບ: ສົມພາວັນ

Related Articles

Leave a Reply