Visit BigblueAgency
ເສຍຊີວິດ 14 ຄົນ ແລະ ບາດເຈັບ 13 ຄົນ ຈາກອັກຄີໄພທີ່ເກີດຂຶ້ນໃນປີຜ່ານມາ

ເສຍຊີວິດ 14 ຄົນ ແລະ ບາດເຈັບ 13 ຄົນ ຈາກອັກຄີໄພທີ່ເກີດຂຶ້ນໃນປີຜ່ານມາ

ກົມຕຳຫຼວດສະກັດກັ້ນ ແລະ ຕ້ານອັກຄີໄພ, ກະຊວງປ້ອງກັນຄວາມສະຫງົບ ໃຫ້ຮູ້ວ່າ: ປີ 2020 ຜ່ານມາ ທົ່ວປະເທດໄດ້ເກີດອັກຄີໄພທັງ ໝົດ 203 ຄັ້ງ ຊຶ່ງໄດ້ກໍ່ຄວາມເສຍຫາຍຫຼາຍກວ່າ 143 ຕື້ກີບ ແລະ ມີຜູ້ເສຍຊີວິດ 14 ຄົນ, ບາດເຈັບ 13 ຄົນ, ເຮືອນຖືກໄຟໄໝ້ 115 ຫຼັງ, ເຮືອນຖືກໄຟລວກ 29 ຫຼັງ, ເຮືອນຄົວ 4 ຫຼັງ, ໂຮງງານ 3 ແຫ່ງ, ໂຮງເຟີນີເຈີ 2 ແຫ່ງ, ຕະຫຼາດ 1 ແຫ່ງ, ຫໍພັກ 10 ຫ້ອງ, ລົດໃຫຍ່ 30 ຄັນ ແລະ ອື່ນໆ.

ທ່ານພັນໂທ ສຸລິສັກ ສິມມະໂນໄຕ, ຮອງຫົວໜ້າກົມຕຳຫຼວດສະກັດກັ້ນ ແລະ ຕ້ານອັກຄີໄພ, ກະຊວງປ້ອງກັນຄວາມສະຫງົບ ໄດ້ກ່າວເມື່ອບໍ່ດົນມານີ້ກ່ຽວກັບອັກຄີໄພທີ່ເກີດຂຶ້ນໃນປີ 2020 ທີ່ຜ່ານມາວ່າ: ອັກຄີໄພທີ່ເກີດຂຶ້ນໃນປີ 2020 ທຽບໃສ່ປີ 2019 ແມ່ນຫຼຸດລົງ 24 ຄັ້ງ ແຕ່ມູນຄ່າການເສຍຫາຍເພີ່ມຂຶ້ນ ຍ້ອນສະຖານ ທີ່ເກີດອັກຄີໄພເປັນໂຮງງານ, ຕະຫຼາດ, ສາງເຄື່ອງ ແລະ ອື່ນໆ ທີ່ມີມູນຄ່າສູງ. ໃນນີ້ ເກີດຂຶ້ນຫຼາຍ ກວ່າໝູ່ແມ່ນຢູ່ນະຄອນຫຼວງວຽງຈັນມີ ຈຳນວນ 57 ຄັ້ງ. ສ່ວນສາເຫດຂອງການເກີດອັກຄີໄພຫຼາຍກວ່າໝູ່ແມ່ນໄຟຟ້າລັດວົງຈອນ 97 ຄັ້ງ, ຂາດສະຕິ 45 ຄັ້ງ ( ໄຕ້ທູບທຽນບູຊາ 14 ຄັ້ງ, ໄຕ້ທຽນເຍືອງແສງສະຫວ່າງ 1 ຄັ້ງ, ດັງໄຟແຕ່ງກິນ 7 ຄັ້ງ…..) ນອກຈາກນີ້ ແມ່ນຄົນຈູດ 20 ຄັ້ງ, ແລະ ອື່ນໆ.

ຂ່າວ: ບຸນຕຽງ
ພາບ: ພັກສະຫວັນ

Related Articles

Leave a Reply