Vientiane Times Lao
ແຂວງໄຊຍະບູລີຈະເກັບລາຍຮັບຈາກບຸນຊ້າງໄດ້ ຫຼາຍກວ່າ 7,2 ລ້ານໂດລາສະຫະລັດ ໃນປີນີ້

ແຂວງໄຊຍະບູລີຈະເກັບລາຍຮັບຈາກບຸນຊ້າງໄດ້ ຫຼາຍກວ່າ 7,2 ລ້ານໂດລາສະຫະລັດ ໃນປີນີ້

ພະແນກຖະແຫຼງຂ່າວ, ວັດທະນະທຳ ແລະ ທ່ອງທ່ຽວແຂວງໄຊຍະບູລີ ໄດ້ລາຍງານຫວ່າງບໍ່ດົນມານີ້ວ່າ ງານມະຫະກຳບຸນຊ້າງທີ່ຈະຖືກຈັດຂຶ້ນໃນເດືອນກຸມພາປີນີ້ ທີ່ແຂວງໄຊຍະບູລີ ຄາດວ່າ ຈະສ້າງລາຍຮັບໃຫ້ກັບເຈົ້າພາບຫຼາຍກວ່າ 7,2 ລ້ານໂດລາສະຫະລັດ.

ງານມະຫະກຳດັ່ງກ່າວ ແມ່ນກິດຈະກຳຫຼັກໃນການສົ່ງເສີມການຄ້າຕິດພັນກັບທ່ອງທ່ຽວ ເພື່ອສ້າງລາຍຮັບໃຫ້ກັບແຂວງໄຊຍະບູລີ, ເຊິ່ງໃນປີ 2019 ທາງແຂວງສາມາດເກັບລາຍຮັບກັບບຸນດັ່ງກ່າວໄດ້ 7,7 ລ້ານໂດລາສະຫະລັດ ລື່ນຄາດໝາຍ 8,74 %.

ງານມະຫະກຳບຸນຊ້າງ ຄັ້ງ 14 ປີ 2020 ນີ້ ຈະມີຊ້າງ 71 ໂຕ, ໃນນັ້ນຍັງຈະມີຊ້າງເຜືອກ, ເຊິ່ງເປັນຊ້າງມິ່ງຂວັນຂອງຊາດລາວ ມາເຂົ້າຮ່ວມສະແດງຄວາມອາດສາມາດຕ່າງໆທີ່ໄດ້ຝຶກມາ. ພ້ອມນັ້ນ ຢູ່ໃນງານກໍ່ຈະມີກິດຈະກໍາອື່ນໆທີ່ມີຫຼາກຫຼາຍ ສີສັນ ເພື່ອຕ້ອນຮັບນັກທ່ອງທ່ຽວທັງພາຍໃນ ແລະ ຕ່າງປະເທດ.

ຕາມການລາຍງານຈາກຫ້ອງວ່າການແຂວງໄຊຍະບູລີວ່າ ປີນີ້ແມ່ນຈະເນັ້ນໃສ່ກິດຈະກຳທີ່ ຕິດພັນກັບບຸນຊ້າງ ແລະ ການອະນຸລັກຊ້າງໂດຍສະເພາະແມ່ນການສະແດງຂອງ ຊ້າງຄຳຮູ້, ພິທີບາສີສູ່ຂວັນຊ້າງ, ການໃຫ້ອາຫານຊ້າງ, ຂີ່ຊ້າງຊົມເມືອງ ແລະ ກິດຈະກຳອື່ນໆອີກ.

ງານດັ່ງກ່າວແມ່ນຈະເລີ່ມເປີດໃຫ້ບໍລິການໃຫ້ນັກທ່ອງທ່ຽວໄດ້ເຂົ້າຮ່ວມແຕ່ ວັນທີ 22-28 ກຸມພາ 2020.

ນອກຈາກນັ້ນ, ຍັງຈະມີການວາງສະແດງ ແລະ ຈຳໜ່າຍສິນຄ້າໜຶ່ງເມືອງໜຶ່ງຜະ ລິດຕະພັນ, ສິນຄ້າກະສິກຳ, ຫັດຖະກຳອຸດສາຫະກຳປຸງແຕ່ງທີ່ເປັນເອກະລັກຂອງ ທ້ອງຖິ່ນພາຍໃນແຂວງຕ່າງໆໃນຂອບເຂດທົ່ວປະເທດ ແລະ ສິນຄ້າຕ່າງໆຈາກປະ ເທດໃກ້ຄຽງ.

ຂ່າວ: ວຽງຈັນທາຍ

ແຟ້ມພາບ: ພູນຊັບ

Related Articles

Leave a Reply

error: ສົນໃຈຂໍ້ມູນ ກະລຸນາຕິດຕໍ່ກອງບັນນາທິການ