ທ່ານ ສອນໄຊ ສີພັນດອນ ນາຍົກລັດຖະມົນຕີ ພ້ອມດ້ວຍຄະນະສະໝັກຮັບເລືອກຕັ້ງ ສສຊ ເຂດເລືອກຕັ້ງ 15 ແຂວງຈໍາປາສັກ (ຄະນະທີ1), ໄດ້ທ່ຽວຊົມ, ສັກກາລະບູຊາຂໍພອນພະທາດສາມປາງ ແລະ ຮັບຟັງການບອກເລົ່າປະຫວັດຄວາມເປັນມາຂອງພຣະທາດສາມປາງ ເມື່ອມໍ່ໆມານີ້ ຈາກເຖົ້າແກ່ແນວໂຮມບ້ານທາດສາມປາງ.
ພຣະທາດສາມປາງເປັນສະຖານທີ່ທ່ອງທ່ຽວຂອງເມືອງສຸຂຸມາ ທີ່ຖືກຮັບຮອງ ເປັນມໍລະດົກທາງດ້ານວັດທະນະທໍາລະດັບທ້ອງຖິ່ນໃນຕົ້ນປີ 2026 ນີ້ ແລະ ກາຍເປັນແຫຼ່ງທ່ອງທ່ຽວທາງປະຫວັດສາດ, ເປັນບ່ອນສຶກສາຄົ້ນຄວ້າຮໍ່າຮຽນທາງປະຫວັດສາດຂອງຜູ້ຊອກຮູ້ຮໍ່າຮຽນ, ເປັນສະຖານທີ່ເພິ່ງທາງດ້ານຈິດໃຈ, ເປັນສະຖານທີ່ເສີມສ້າງພະລັງສາມັກຄີອັນແໜ້ນແຟ້ນ ຂອງພໍ່ແມ່ປະຊາຊົນ, ປັດຈຸບັນນັກທ່ອງທ່ຽວທັງພາຍໃນ ແລະ ຕ່າງປະເທດ ແມ່ນໃຫ້ຄວາມສົນໃຈມາທ່ອງທ່ຽວນະສະຖານທີ່ແຫ່ງນີ້.
ແຫຼ່ງຂໍ້ມູນ: ຈັນທະວີສັກ
