ການນຳພັກ, ລັດ ນຳໂດຍທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວໄດ້ຕັ້ງກອງບຸນ 13 ກອງ ເມື່ອວັນທີ 12 ທັນວາ 2020 ທີ່ຜ່ານມາ ຢູ່ ຫໍພິພິທະພັນ ໄກສອນ ພົມວິຫານ ນະຄອນຫຼວງວຽງຈັນ ເພື່ອອຸທິດໃຫ້ດວງວິນຍານ ທ່ານ ປະທານ ໄກສອນ ພົມວິຫານ ເນື່ອງໃນໂອກາດວັນເກີດຄົບຮອບ 100 ປີ (13/12/1920-13/12/2020).
ໃນງານຕັ້ງກອງບຸນດັ່ງກ່າວໄດ້ມີການໂມທະນາ, ຟັງທຳມະເທດສະໜາ ໂດຍມີ ພະສົງ 113 ອົງ, ນອກນັ້ນຍັງມີການສາຍຮູບເງົາ ມູນເຊື້ອປະຫວັດ ແລະ ການເຄື່ອນໄຫວ ຂອງ ທ່ານປະທານ ໄກສອນ ພົມ ວິຫານ ແລະ ຄົບງັນຕາມຮີດຄອງປະເພນີ ໂດຍໄດ້ມີການເສບດົນຕີພື້ນເມືອງລາວ ແລະ ຂັບລຳທ້ອງຖິ່ນຕ່າງໆ ເພື່ອສ້າງບັນຍາກາດ.
ການຈັດກອງບຸນ ໃນຄັ້ງນີ້, ເພື່ອອຸທິດສ່ວນບຸນກຸສົນ ທັງເປັນການສະແດງ ຄວາມເຄົາລົບຮັກ, ຄວາມກະຕັນຍູຮູ້ບຸນຄຸນ, ຄຸນງາມຄວາມດີ ແລະ ຜົນງານອັນໃຫຍ່ຫຼວງ ຂອງປະທານ ໄກສອນ ພົມວິຫານ ວິລະບູລຸດຜູ້ຍິ່ງໃຫຍ່ ເຊິ່ງໄດ້ອຸທິດສະຕິປັນຍາ ແລະ ຍອມເສຍສະຫຼະຜົນປະ ໂຫຍດສ່ວນຕົວເພື່ອປະເທດຊາດ ແລະ ການປະຕິວັດໃນໄລຍະຜ່ານມາ ຈົນສາມາດປົດປ່ອຍປະ ເທດຊາດ ໄດ້ຢ່າງສົມບູນ ແລະ ສະຖາປະນາເປັນສາທາ ລະນະລັດ ປະຊາທິປະໄຕ ປະຊາຊົນລາວ ຈົນມາຮອດປັດຈຸບັນ.
ຂ່າວ: ທະນູທອງ
ພາບ: ຂັນໄຊ
