ເຈົ້າໜ້າທີ່ກອງບັນຊາການ ປກສ ເມືອງອຸທຸມພອນ ແຂວງ ສະຫວັນນະເຂດ ສາມາດຈັບຕົວໂຈນປຸ້ນຮ້ານຄຳຢູ່ຕະຫຼາດແກ້ງກອກ ໄດ້ແລ້ວເມື່ອມໍ່ໆມານີ້ ພາຍຫຼັງທີ່ກໍ່ເຫດໃນວັນທີ 15 ກຸມພາ 2025 ທີ່ຜ່ານມາ ຊຶ່ງຜູ້ກໍ່ເຫດຊື່ທ້າວ ສີສະໄໝ ອາຍຸ 35 ປີ, ອາຊີບ ເຮັດນາ ຢູ່ບ້ານ ນານົກຂຽນ ເມືອງ ຈຳພອນ ແຂວງ ສະຫວັນນະເຂດ.
ມື້ປຸ້ນຄໍາຢູ່ຮ້ານດັ່ງກ່າວ, ທ້າວ ສີສະໄໝ ພ້ອມດ້ວຍໝູ່ 1 ຄົນໄດ້ນຳໃຊ້ອາວຸດປືນສັ້ນ ໃນການກໍ່ເຫດ ໄດ້ຄຳ ຈຳນວນຫຼາຍ, ສ່ວນໝູ່ທີ່ຮ່ວມກໍ່ເຫດປະຈຸບັນແມ່ນໄດ້ເອົາຕົວຫຼົບໜີໄປຢູ່ປະເທດໄທ.
ທ້າວ ສີສະໄໝ ຫຼື ຈິນພ້ອມດ້ວຍໝູ່ 1 ຄົນ, ໄດ້ກໍ່ເຫດນຳໃຊ້ອາວຸດປືນສັ້ນ ປຸ້ນຮ້ານຄຳ ຢູ່ຕະຫຼາດແກ້ງກອກ ເມືອງ ຈຳພອນ ແຂວງ ສະຫວັນນະເຂດ, ເຊິ່ງພວກກ່ຽວສາມາດປຸ້ນເອົາຄຳໄປໄດ້ຈຳນວນຫຼາຍ, ສ່ວນໝູ່ທີ່ຮ່ວມກໍ່ເຫດປະຈຸບັນແມ່ນໄດ້ເອົາຕົວຫຼົບໜີໄປຢູ່ປະເທດໄທ.
ຈາກເຫດການດັ່ງກ່າວ, ເຈົ້າໜ້າທີ່ ສືບສວນ-ສອບສວນ ປກສ ເມືອງ ອຸທຸມພອນ ສາມາດກັກຕົວ ຜູ້ທີ່ມີສ່ວນພົວພັນໃນການກະທຳຜິດໄດ້ທັງໝົດ 4 ຄົນ ແລະ ຍັງສືບຕໍ່ຂະຫຍາຍຜົນເຖິງຜູ້ທີ່ມີສ່ວນພົວພັນ ໃນຄະດີດັ່ງກ່າວ ມາດຳເນີນຄະດີຕາມກົດໝາຍ.
ທີ່ມາແຫຼ່ງຂໍ້ມູນ-ພາບ: ນັກຂ່າວເມືອງອຸທຸມພອນ
