ໃນໄລຍະເດືອນມິຖຸນາ 2026 ຜ່ານມານີ້, ທົ່ວປະເທດລາວ ມີຜູ້ເສຍຊີວິດເຖິງ 69 ຄົນ, ມີຜູ້ບາດເຈັບ 619 ຄົນ ພາຫະນະເປ່ເພ 790 ຄັນ ຈາກອຸບັດເຫດເກີດຂຶ້ນທັງໝົດ 430 ຄັ້ງ ແຕ່ເມື່ອທຽບໃສ່ກັບຜູ້ເສຍຊີວິດໃນເດືອນພຶດສະພາ 2026 ຫຼຸດລົງ 12 ຄົນ ຊຶ່ງມີຜູ້ເສຍຊີວິດ 81 ຄົນ.
ອີງຕາມຂໍ້ມູນການເກີດອຸບັດເຫດທົ່ວປະເທດປະຈຳເດືອນມິຖຸນາ 2026 ທີ່ຜ່ານມາ ຂອງກົມຕຳຫຼວດຈະລາຈອນ ເຫັນວ່າ: ສາຍເຫດທີ່ພາໃຫ້ເກີດອຸບັດເຫດແຕ່ລະຄັ້ງ ສ່ວນໃຫຍ່ເກີດຈາກການລະເມີດກົດລະບຽບການສັນຈອນຂອງຜູ້ຂັບຂີ ໂດຍສະເພາະຂັບຂີ່ໄວເກີນກຳນົດ, ດື່ມສິ່ງມຶນເມົາ ແລະ ອື່ນໆ ແລະ ອຸບັດເຫດ ແມ່ນເກີດຂຶ້ນໃນກຸ່ມອາຊີບຄ້າຂາຍ ສູງກວ່າໝູ່.
ຕໍ່ສະພາບການເກີດອຸບັດເຫດ ດັ່ງກ່າວ, ຂໍໃຫ້ຜູ້ທີ່ໃຊ້ລົດໃຊ້ຖະໜົນຕ້ອງຮ່ວມໃຈກັນປະຕິບັດກົດລະບຽບການສັນຈອນທາງບົກໃຫ້ເຄັ່ງຄັດ ມີສະຕິໃນການຂັບຂີ່ແຕ່ລະຄັ້ງ ເຊັ່ນ ເມົາແລ້ວຫ້າມຂັບ ຂັບຂີ່ລົດຈັກຕ້ອງໃສ່ໝວກກັນກະທົບທຸກຄັ້ງ ແລະ ກວດກາສະພາບລົດໃຫ້ມີຄວາມພ້ອມ ແລ້ວຈຶ່ງອອກເດີນທາງ ບັນຫາການເກີດອຸບັດເຫດມັນຈຶ່ງຈະຫຼຸດລົງ.
ທີ່ມາ: ກົມຕຳຫຼວດຈະລາຈອນ
