ກົມອຸຕຸນິຍົມ ແລະ ອຸທົກກະສາດ ໄດ້ອອກແຈ້ງການເຕືອນໃນຕອນເຊົ້າວັນທີ 12 ພະຈິກ 2020 ນີ້ເຖິງປະຊາຊົນແຂວງເຊກອງ, ສາລະວັນ, ສະຫວັນນະເຂດ, ຄໍາມ່ວນ, ບໍລິຄໍາໄຊ, ໄຊສົມບູນ, ຊຽງຂວາງ, ຫົວພັນ ແລະ ຫຼວງພະບາງໃຫ້ກຽມຮັບມືກັບພະຍຸ ວາມກໍ ຫົວທີ 20 ສໍາລັບປີ 2020 ນັບແຕ່ວັນທີ 15 -17 ພະຈິກ 2020 ນີ້, ຍ້ອນວ່າອິດທິພົນຂອງພະຍຸດັ່ງກ່າວຈະເຮັດໃຫ້ມີຝົນຕົກປານກາງ ຫາຕົກໜັກພ້ອມມີລົມພັດແຮງ ແລະ ອາດຈະກໍ່ໃຫ້ເກີດນໍ້າຖ້ວມຊູ, ດິນເຈື່ອນກະທັນຫັນ, ຕົ້ນໄມ້ຫັກລົ້ມ ແລະ ອື່ນໆ.
ພະຍຸດັ່ງກ່າວ ຄາດວ່າຈະເຄື່ອນຂຶ້ນຝັ່ງທາງພາກກາງຂອງ ສສ ຫວຽດນາມໃນຕອນກາງຄືນຂອງວັນທີ 14 ພະຈິກ 2020 ແລະ ຈະສືບຕໍ່ເຄື່ອນທີ່ ຜ່ານບັນດາແຂວງດັ່ງກ່າວນັບແຕ່ວັນທີ 15-17 ພະຈິກ 2020 ນີ້.
ຂໍ້ມູນ: ກົມອຸຕຸນິຍົມ ແລະ ອຸທົກກະສາດ
