ເມື່ອບໍ່ດົນມານີ້, ກຸ່ມບໍລິສັດ ດອກງິ້ວຄຳ ຈຳກັດ ໄດ້ ທົດລອງເດີນເຮືອ ອອກຈາກທ່າເຮືອດ່ານສາກົນສາມຫຼ່ຽມຄຳ, ແຂວງບໍ່ແກ້ວ, ສປປ ລາວ ແລະ ເດີນເຮືອຕາມສາຍແມ່ນ້ຳຂອງ ໄປຫາທ່າເຮືອກວນເຫຼິຍ ແຂວງຢຸນນານ ສປ ຈີນ.
ການທົດລອງເດີນເຮືອຄັ້ງນີ້, ໄດ້ລ່ອງຜ່ານ ສປປ ລາວ, ມຽນມາ ແລະ ໄທ ເພື່ອມຸ່ງໜ້າໄປສູ່ ສປ ຈີນ, ເຊິ່ງມີຕົວແທນວິສາຫະກິດລາວ ແລະ ຈີນເຂົ້າຮ່ວມເດີນທາງ.
ສະພາບໍລິຫານເຂດເສດຖະກິດພິເສດ ສາມຫຼ່ຽມຄຳ ເວົ້າວ່າ: ຜົນສຳເລັດຂອງການທົດລອງເດີນເຮືອໃນຄັ້ງນີ້ ຖືເປັນບາດກ້າວອັນສຳຄັນ ໃນການສ້າງເສັ້ນທາງການທ່ອງທ່ຽວທາງນ້ຳຂ້າມແດນໃຫ້ແກ່ຜູ້ໂດຍສານ ແລະ ເປັນການວາງພື້ນຖານໃຫ້ແກ່ການເປີດເສັ້ນທາງຢ່າງເປັນທາງການໃນຕໍ່ໜ້າ.
ທ່າເຮືອກວນເຫຼີຍ ຕັ້ງຢູ່ເມືອງຫຼາ ແຂວງສິບສອງພັນນາ ເຊິ່ງເປັນທ່າເຮືອທຳອິດຂອງບັນດາປະເທດອາຊຽນ ເຊັ່ນ: ລາວ, ມຽນມາ ແລະ ໄທ ທີ່ເຂົ້າສູ່ປະເທດຈີນໂດຍຜ່ານແມ່ນ້ຳຂອງ.
