ຄະນະສະເພາະກິດປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງພະຍາດໂຄວິດ-19 ນະຄອນຫຼວງວຽງຈັນ ໃຫ້ຮູ້ວ່າ: ຍັງມີການລັກຕັ້ງກຸ່ມຊຸມແຊວກິນເຫຼົ້າເບຍຢູ່ແຕ່ລະບ້ານໃນນະຄອນຫຼວງວຽງຈັນ ຊຶ່ງເປັນການຝ່າຝືນຄຳສັ່ງນາຍົກ ແລະ ມາດຕະການທີ່ທາງຄະນະສະເພາະກິດວາງອອກ ເພື່ອປ້ອງກັນພະຍາດໂຄວີດ-19 ຊຶ່ງຄະນະສະເພາະກິດຝາກຖາມວ່າກຸ່ມຄົນທີ່ຊຸມແຊວນັ້ນແມ່ນຄົນລາວຢູ່ບໍ ຖ້າບໍ່ຊ່ວຍກັນໃນຍາມເກີດມີການຜ່ລະບາດຂອງພະຍາດນີ້ແມ່ນໃຜຈະເປັນຜູ້ຊ່ວຍ, ຊີວິດຂອງທ່ານເວລາເຈັບເປັນເຮົາດູແລແຕ່ຖ້າທ່ານບໍ່ເປັນເຈົ້າຂອງຊີວິດທ່ານເອງ ບໍ່ມີໃຜຊ່ວຍທ່ານໄດ້.
ຄະນະສະເພາະກິດ ຮຽກຮ້ອງໃຫ້ກອງຫຼອນບ້ານເປັນຫູເປັນຕາ ແລະ ເຂົ້າໄປຕັກເຕືອນກຸ່ມຄົນດັ່ງກ່າວເພື່ອເປັນການຊ່ວຍເຫຼືອປ້ອງກັນພະຍາດໂຄວິດ-19 ອີກຊ່ອງທາງໜຶ່ງຊ່ວຍລັດຖະບານ ແລະ ເພື່ອຊີວິດຂອງທ່ານເອງ ແລະ ຄອບຄົວ.
